Miigua!

Miigua!

Mugunda waku niurimite?

Kana wuihurite riia na gakaraku?

Ni kuhura mabuti kwene

Gitira Kamba mbere utakaumeria

Ukahura Hianyu wene ukahunyuka

Nita kuhurwo kiriiiyu,

Nyaragita ithutha

Ukagia miigua, ndiiguaga na ndungigua

Ni ruo rwa cama,

Gukihira mathina ta kioro

Ugakihikwo ni ruo ta Nyagaki

Uki wa njore ni kunyakwo

Mwatu Kuihura Njuki

No mbiri!

Ndogo kuihura riiko

Ukauma nyoi,

Ni guthagumia mbebe nyumu na njithi,

Imwi unanduratanuka hamwe na michakwe,

Nu kumeria umeragia,

Igathombocanira nda

Ni kurura ta ngaita, kana thubu wa michatha

Ukenyogonda tukwirorire, ta Mundu wanyitika na ndauge

 Minyoo ya riuka wimuoyo,

Ii kana warwara ndigana

Wathondekwo warema.

Gike na ndukoe

Kuhonoka Nyongo ti kuhonka ndigana

Urite Ngaita nyingi Nduru kwi nyongo

Uguthie nginya ukinye, gutire cia ribathi

Kuruta nguo ni gwithamba

Ti gutherera ni gutubira

Maisha ni kuhura kihindii

Mutiindu…..!!Mutiindu….tee!!!

Wameria kumbo ya maii ukamenya uriomwoyo!

Maisha ni maraguthecatheca, mbini igaguthuca thuca

Ugacuthwo cuthwo, chwaaa

Micharicha ya maisha ukauma Kigimbi

Ta Kinya gia ucuru no ndogo cii

Kana iria riregete kumata, rikamaka, rikamakuka, rigatweka,  rikamata

Menyerera wendo waku ta iria ri riiko

Ndagacamuke aitike

Kana akane munu ahiohe, age wa kumuhoria.

Mwaki gwakana munu, Gwitunya nyama mweri winja!

Migua ni miingi,

No muhaka uthecwo ni migua

Utanatua mahuwa,

Tundu Mahuwa mega,

Maumaga Miiguaini,

Muigua waku ni uriku

Ni cong’e, Mutonguii, kana thabai

Wendo ungi uhana ta Thara,

Kunaina ta thara

Kwamba rwamba ta thara

Kana baa kiroko,

No ningi Igitunywo mwana…

Ikagirio mungu ikire

Wibange!

By NJoroge wa Ngige 030115