Miatuka!

Miatuka!

Kuhana atia?, Wa Kia Awa

Wa Kia Maitu, Warora Ku tundu wahuma huma na nduma?

Nima iino nduma ni ndumani, no imeria mundu

Aca ndiri na uuru, no Kugoca Jesu

Anjakaniire ta mweri wa mugaa

Akaura Ngoroini yakwa ta mbura ya Muringo

Ndakinya kambi Kugura tumaguta,

Maguta ma Kuria ii kana atia wakinii?

Mhh maguta ma gukama

Kai wagiire ngombe ya gukama na dugaga

Kana ukamaga ciene utuko itekwania

Iini Igithagumia nawe no kuruta muhuyu

Kumbe nikio utaragira iriia, na niguo Kinatha gwakwa Kiratherera

Uguo tiguo ndirauga, ni maguta ma kwihaka tigukama

ii ukani na mutigoke na kuria ndi, Urakioneka ururite uthiu,

Uthio wakwa ni mururu, ngahunyoka maguru

Tarora!!- ii nima nindona ukahinja nginya igokora

Hamwe na mithiririmo, maru maku magekeka

Mundu ndakekaga ta muti, Ungiigua igakaya ni nume

Tarora maguru makwa maturaga na miatuka

Hihi hihi ona ndikuonete, tamurika na botoraiti

Toshi ya mahiga matandatu yonaga nginya rucio

Miatuka iyo ni yaneneha, una ciringi noiganire.

Gitingere nduka itanahingwo kana uthwo Kamari ni mbura matu

Nawe  geithania kwanyu, ndugakinyire njira gatagati.

Nitucoke mwena uyu ungi

Wiyurie na wicokerie

Miatuka yaku niiriku muturireini waku,

Onawe wihake tumaguta twa Jesu,

Na ndukehake tumaguta twa jesu ukiumia tu

Ukristiano wa thiku kana mathaa

Kuruta woira utari ho

Mwathani Akumio!

Iini tukuone uthakarite Kiumia no Jumatatu nginya Juma

Uhana  hunyo wa gakaraku

Wuihuriti miatuka ya rumena, njuko na mwiyagurio wa maheni

Kwii yanika nja gutari na riua

ukeyamba ta giko na maithori murambu

Ugakenera thiina ta borithi

iini tundu watumuka kanua, ona briki nduri

Ririkana uyu, haria ikaigio tiho iguaga

Wanyejeire iriku Ngai igathika thika

Maria mangi ukiugwa kuo na ndira cianyu

Wee ndigithiria , Ndina kuorota ni kara keheta

Menya ciaku ciakwa cii na mwene

Ndikwenda gukwaruka twihumbe imwi

Ngwanure ta mbira ya gicuni, chwaaa iini kianjaaga

Kumbire ta kimbiri gia thubu

Kana wagia munyaka nguguthe ta Ngui irite maguta ma thate

IIni thate wa thendi na tinyoneki

Ndiri wandira cianyu

Na tundu yakana munu iitunyaga nyama

Njuka kahora

Ndubia yendaga kuhorio

Makwa ugakinya mahora.

Na Mwathani ni igukarathima

Wahoreria Miatuka yaku ya Muturire.

By Njoroge wa Ngige, 021815