Maithori MUrambu!

Maithori MUrambu!

Ndukandokere  ruciini ta dubia

Baa itare ime kibii kia rugungo

Una wakorwo dubia yendaga kuhorio

Ngungwenda ririia wi haha na riria utari haha

Riria utari kindu na riria wigiire kanyamu

Dukagie minyoo na tugunyu twa nda

iini twa rumena kwihanda nja ceni

iini wikinyiire ta mikanye ya gicocwee

nyagathanga mboga itanahoha.

No ndukandugiirire ta maithikiri

Kana Boda boda Yagiite Briiki

Nyita Uhambate  ta kamuthugwiti
Njarikange ta thandi cia mutarakwa
kana ndoge ta Mutamaiyu muigu
thandura ta mbembe ya muceceni
Mutungo Muhiiu mwororo

Nyita na ndukoe,

mithu itanameria ndare, ndirakwenda haha

ndirahura thimu, imiru kana marua,

wiirehe itanagwiita na nyungu,

kana ngutumburange ta njau yonete blausi,

Nguhihe ta machicha ma njoku

ngukame ta Nguno ya friiciani

iindiiri ingathitie, iini ihingite ritho rimwi

Ta imwii iria yari gwa thiaka, Ngugaragarie kindayaya

Thagiri yakwa uhurutire

Igwate yakane ma

Yakana munu ririkana itunyaga nyama

No ndigukuhihia ta ngwacii ya ihii iikumbu

Mutura wa ihii kaigangio karuru ta baki

Ngukwenyuranga tucunji  tucunji

Ngukamurie wi muyo utanahoha

Ngunange mbaru na igokora

Ni Uria wikinyiire ndira na miiri

Ndirathii kundu tiga guteha Mwanake

Indo ici ni cia ku we mwene

Ndakuigiire muhohio ciihurite

Ciirugite no gutengu’ra wiihurire

Tiga maithori

Therera ta rui rwa thagana ruihurite ciunguyu.

Urii Kahora Wiikinyiire

Ruciini ngurugire thubu wa Athuri

Ndugaitwo Ni Mukoroko wa wendo

Tundu ni ngwendete. 

By Njoroge wa Ngige 020615