Guoaya, Gwoya, Gwouya =Fear

Kumaka, Guchonoka, Kuinaina, Thoni,Kieha, Gwoya
Uturaga wina gwoya, ndwaciarirwo na guoya
Ukiigirira kumaka, Kuinaina na kuira Ngoro
Kinyiria kia Muturire, uturaga na minyiri
chirrririririririiri..ucho! kari onii mihutiriria
Njathimuraga thina, ngatumuka guthebea kwa maheni
Gwoya wa maria njuii, itoii ndiuii na ndiuii ndiuii

Kumaka na kuinaina ta mabebe matari mbembe
Thara wa ngombe kana mucharisha
Ngombe itari iria una ki, ng'u ni kumaka
Ukuhiokia minyiriri ya muturire , ta Nguno etinitie ndiiri
Ati ni kumaka uramaka, Uramaka wike atia?
Tundu wina gwoya uhana guoya

Ukahenio ni githatu nduma ithutha
tiga gucema cema muturire,
Mucemi akorire Mukungi, na niguo akungite
umukania ta waru ya ngorofu ii Nyandarua
Ndimakaga kwina mbaa kana ime!
wetemanie ta wacu e' mugunda
Gatumani mbegu ni njega unakwara, ukuhi tigana naguo
Uraihu ni Mwathani waria ni Kio giaku
Uturite umakiite, gukaura, gugakia,gukara gukaraha
Kumaka gwaku gutigochenjia mithenya
wagatano utuika wakana, Jumamwothi ituika kiumia
Kumaka gwaku kwa jumatatu nokuo kwa aramithi.

Ukihinyiririka mwiri, Kwinyogonda uriri
Ukaga toro niundu wa gwoya, gwoya utaramenya
mbere kana thutha, Ugetungumania ja ta rutungu
Ukariganirwo Jakubu onake ari oho,
Akigia na kieha, Akimaka, Ikiaga toro
Indo ciake ciothe Igathira.
no ndagiire na gwoya wa muturiire,
Ikirihwo kindu na kingi ni kumiriria na witikia.

Uretua niwe githimi kia maundu
Mwathani ukamuiga keherini hugururuine, umuoye hindi ya thina
Ini riria wa batara, wanyitukio ni mucukani
Ndangikweherera, ndangigutiga tundu niakwendete
Heana iroto ciaku he Mwathani, tiga kumuhe itumi
Iga mwhihoko waku mbere ya mathabahu ma Ngai
Utige Kieha na Kuinaina.

By Njoroge Wa Ngige (January 03/2015)