Nyota

NYOTA

Nyota Maita Nyota ni Nyota na ti Njata
Tundu Wathii kwa Nyota na Nyota, Nyota ndangikunyotora
Waikara kwa Nyota na Nyota ndurinyotoka 
Wate Nyota ciaku No uricamania na Nyota iingi
Nyota ikurie Uranyotio nikii mwina Nyota
Wanyota ni maii wanyua ndubia?
Wanyotio ni Riua wathii guota Mwaki?
Wanyotio ni Uki Ndukanyue ruhia
Tondu nyota ya Rwigi ti ya Kimbu
Nyota ni Mithemba miingi
Nyota ya Ngoro, Mwiri na Meciiria
Nyota immwe ni cia kugegania 
Tagukunikiria nyota inyotete ni nyota
Nyota imwe ni cia gukunorwo na nyota
Nyota ingi ni cia cebecebe
wee wi Nyota ya kunyoterwo ii
Kana Nyota ya Kunyotora Nyota?
Nyota to ya Mung'aro
Nita kuigua gakarakara mumero
Kurungurirwo na kuira ngoro
Ta Gitunguru kiruriire maitho
Kana kabiribiri ga kanugu Ki iniuru
Hetchyoooooo! 
HeeHee hetchyoooo!
Ngoro hakuhi ithame
Gwathimura gwaku ti homa ni Kunyota
Kwa uguo Maundu ni meri
Ukunde Maii
Witetere. 
No muhaka ukorwo na nyota Muturireine
Tauria Unyotagio ni Nyota
Nigetha wone giagukunyotora 
Nonginya umenye nyota yaku niiriku
Ni ya ma ii kana ni ya wara maheni mahana ma
Ni nyota icamaii kana imurio uria uninaga magego
Ugatuika King'uru wina Nyota
twakuria King'uru Mwana enau?
Ukauga ena King'ethu wa Nyota.
Ni ihinda riaku ria Kunyotoka.


By Njoroge wa Ngige  090715-2004